मियामी ओपनमध्ये मोठा उलटफेर, अव्वल मानांकित जोकोविच स्पर्धेबाहेर

इंडियन वेल्सच्या तिसऱ्या फेरीत नोव्हाकचा झाला होता पराभव

मियामी - टेनिसच्या जागतिक क्रमवारीत अव्वल स्थानी असलेला सर्बियाच्या नोव्हाक जोकोविचला मियामी ओपनमध्ये पराभवाचा धक्का बसला आहे. या पराभवासह जोकोविचचे स्पर्धेतील आव्हानही संपुष्टात आले आहे.

नोव्हाकला स्पेनच्या रॉबेर्टो अगुटने 1-6, 7-5, 6-3 ने पराभूत करत मोठा उलटफेर केला. नुकत्याच झालेल्या इंडियन वेल्सच्या तिसऱ्या फेरीतही नोव्हाकला पराभव पत्करावा लागला होता.

रॉबेर्टो अगुट

सहा वेळा मियामी ओपनचे जेतेपद पटकावलेल्या नोव्हाकने पहिल्या सेटमध्ये शानदार खेळ केला. मात्र अखेरच्या २ सेटमध्ये अगुटने जोरदार पुनरागमन करत शानदार विजय मिळवला.

जोकोविचला जानेवारीत झालेल्या कतार ओपनमध्येही अगुटविरुद्ध पराभवाचा सामना करावा लागला होता.