सुसाट नोव्हाक...! जोकोविचची फेडररच्या विक्रमाची बरोबरी

जोकोविच म्हणाला, "प्रथम क्रमांकावर राहण्याची ऐतिहासिक कामगिरी करून मला मोठा दिलासा मिळाला आहे. आता माझे लक्ष सर्वाधिक ग्रँडस्लॅम जेतेपद जिंकण्यावर आहे.''

लंडन - सर्बियाचा स्टार टेनिसपटू नोव्हाक जोकोविचने दिग्गज रॉजर फेडररच्या एका मोठ्या विक्रमाची बरोबरी साधली आहे. त्याने फेडररच्या एटीपी क्रमवारीत ३१० आठवड्यांपर्यंत पहिल्या क्रमांकावर राहण्याच्या विक्रमाची बरोबरी केली आहे. गेल्या महिन्यात जोकोविचने आपले नववे ऑस्ट्रेलियन ओपन विजेतेपद जिंकले. जोकोविचने आपल्या कारकीर्दीतील १८वे ग्रँडस्लॅम विजेतेपद जिंकले आहे. तो आता फेडरर आणि नदालच्या वैयक्तिक २० ग्रँडस्लॅम विजेतेपदाच्या विक्रमाजवळ पोहोचला आहे.

जोकोविच म्हणाला, "प्रथम क्रमांकावर राहण्याची ऐतिहासिक कामगिरी करून मला मोठा दिलासा मिळाला आहे. आता माझे लक्ष सर्वाधिक ग्रँडस्लॅम जेतेपद जिंकण्यावर आहे.''

२०२१च्या सुरुवातीपासून जोकोविच उत्तम फॉर्मात आहे. त्याने सलग नऊ सामने जिंकले आहेत, तर गेल्या ऑक्टोबरमध्ये फ्रेंच ओपनच्या अंतिम सामन्यापर्यंत त्याने एकही सामना गमावला नव्हता.

गेल्या वर्षी ३ फेब्रुवारीला जोकोविच एटीपी क्रमवारीत अव्वल स्थानावर पोहोचला. याआधी जुलै २०१४ ते नोव्हेंबर २०१६ पर्यंत तो पहिल्या स्थानी होता. जोकोविचचे आता १२०३० गुण झाले आहेत. नदाल, डेनिल मेदवेदेव आणि डोमिनिक थिमपेक्षा जोकोविचच्या खात्यात २००० जास्त गुण आहेत.