हैदराबाद:तेलंगणा सरकारने बुधवारी जागतिक बॉक्सिंग चॅम्पियनशिप सुवर्णपदक विजेती निखत झरीन आणि ISSF ज्युनियर विश्वचषक स्पर्धेतील उत्कृष्ट कामगिरीबद्दल नेमबाज ईशा सिंग यांना प्रत्येकी 2 कोटी रुपयांचे रोख बक्षीस जाहीर ( Telangana Government Announced 2 Crore ) केले. नुकतेच आंतरराष्ट्रीय स्पर्धांमध्ये यश मिळवून तेलंगणाला नावलौकिक मिळवून देणाऱ्या या महिला बॉक्सर आणि नेमबाजाचा मुख्यमंत्री के. चंद्रशेखर राव यांनी त्यांचा सत्कार करण्याचे ठरवले.
मुख्यमंत्र्यांच्या सूचनेनुसार सरकारने याबाबतचा आदेश जारी केला आहे. रोख बक्षीस व्यतिरिक्त, सरकारने दोन्ही खेळाडूंना बंजारा हिल्स किंवा हैदराबादमधील ज्युबली हिल्स येथे भूखंड देण्याचा निर्णय घेतला आहे. निजामाबाद जिल्ह्यातील झरीन ही जागतिक स्पर्धेत सुवर्णपदक जिंकणारी पाचवी भारतीय महिला बॉक्सर ठरली.
19 मे रोजी तिने 52 किलो वजनी गटात थायलंडच्या जितपॉन्ग जुटामासचा पराभव करून निखत झरीन ( Nikhat Zareen ) भारतीय महिला बॉक्सर्सच्या निवडक क्लबमध्ये सामील झाले. जर्मनीत नुकत्याच पार पडलेल्या ISSF ज्युनियर विश्वचषक स्पर्धेत ईशा सिंगने ( Esha Singh ) सांघिक स्पर्धांमध्ये तीन सुवर्णपदके जिंकली.
दरम्यान, पद्मश्री पुरस्काराने सन्मानित किन्नर मेटला कलाकार दर्शनम मोगुलैया यांना एक कोटी रुपयांचे रोख बक्षीस देण्याचा निर्णय राज्य सरकारने घेतला आहे. रोख पुरस्काराची घोषणा मुख्यमंत्र्यांनी यापूर्वीच केली होती. मुख्यमंत्री कार्यालयाने सांगितले की, मोगुलैया यांच्या विनंतीवरून सरकारने बी.एन. रेड्डी नगर कॉलनीत भूखंड देण्याचा निर्णय घेण्यात आला आहे.
हेही वाचा -BCCI President Sourav Ganguly : सौरव गांगुलीच्या ट्विटने गोंधळ; बीसीसीआय प्रमुखपद सोडले नाही - जय शाहचे वक्तव्य
