नवी दिल्ली - भारताचा बॉक्सर खेळाडू शिवा थापाने कझाकिस्तानच्या नूर सुलतानचा पराभव करत प्रेसिडेंट कप स्पर्धेत सुवर्णपदक जिंकले. २००६ साली सुरूवात झालेल्या या स्पर्धेत सुवर्णपदक जिंकणारा थापा भारताचा पहिलाच खेळाडू ठरला आहे. भारताने या स्पर्धेत एकूण चार पदके जिंकली आहेत. यामध्ये एक सुवर्ण, एक रौप्य आणि दोन कास्य पदकांचा समावेश आहे.
शिवा थापाने स्पर्धेच्या अंतिम फेरीत कझाकिस्तानचा खेळाडू जाकीर सैफूलीनचा पराभव केला. सैफूलीनला उपांत्य सामन्यात दुखापत झाली होती. यामुळे अंतिम फेरीत वाकओवर मिळाला आणि थापाने ऐतिहासिक कामगिरी करत सुवर्णपदकाला गवसणी घातली. थापाने ६३ किलो वजनी गटात हे सुवर्णपदक जिंकले.