नवी दिल्ली:पंतप्रधान नरेंद्र मोदी यांची जागतिक बॉक्सिंग चॅम्पियनशिपमध्ये पदक जिंकणाऱ्या महिला बॉक्सर निखत झरीन, मनीषा मौन आणि परवीन हुडा यांनी भेट ( PM Modi Meets Indian Boxers ) घेतली. दरम्यान, जागतिक बॉक्सिंग चॅम्पियनशिपमध्ये पदक जिंकणाऱ्या महिला बॉक्सर्सनीही पीएम मोदींसोबत सेल्फी काढले ( Women boxers took selfies with PM ).
त्यापैकी एकाने तर पंतप्रधान मोदींचा ऑटोग्राफ आपल्या हातावर घेतला. नुकत्याच पार पडलेल्या चॅम्पियनशिपमध्ये भारताने एक सुवर्ण आणि दोन कांस्यपदके जिंकली. निखत जरीन मेरी कोम, सरिता देवी, जेनी आरएल आणि लेख केसी यांच्यासह महिलांच्या जागतिक बॉक्सिंग चॅम्पियनशिपमध्ये सुवर्णपदक जिंकणारी पाचवी भारतीय बॉक्सर ठरली.
मनीषा मौन आणि नवोदित परवीन हुड्डा ( Manisha Maun and Parveen Hooda ) यांनी अनुक्रमे 57 किलो आणि 63 किलोमध्ये कांस्यपदक जिंकले. चॅम्पियनशिपमध्ये भारताचे शेवटचे सुवर्णपदक 2018 मध्ये आले होते, जेव्हा मेरी कोमने लाइट फ्लायवेट प्रकारात (45-48 किलो) युक्रेनच्या हॅना ओखोटाला पराभूत केले होते.
या स्पर्धेत 12 सदस्यीय भारतीय तुकडी सहभागी झाली होती. तर पदकाच्या शर्यतीत एकाची कमी आली आहे. चार वर्षांनंतर एका भारतीयाला विश्वविजेतेपद मुकुट मिळाला आहे. या स्पर्धेत भारताची सर्वोत्तम कामगिरी 2006 मध्ये होती, जेव्हा देशाने चार सुवर्ण, एक रौप्य आणि तीन कांस्यपदकांसह आठ पदके जिंकली होती. महिलांच्या जागतिक स्पर्धेत भारताने आता 10 सुवर्ण, आठ रौप्य आणि 21 कांस्यपदकांसह 39 पदके जिंकली आहेत.
हेही वाचा -McDonald Covid Infected : अँड्र्यू मॅकडोनाल्ड कोरोना पॉझिटिव्ह, श्रीलंका दौऱ्याच्या सुरुवातीच्या भागातून बाहेर
