दोहा - फिफा विश्वचषक 2022 (FIFA World Cup 2022) मध्ये आज दुसऱ्या सामन्यात जर्मनी आणि जपान आमनेसामने होते. FIFA विश्वचषक 2022 मध्ये सलग दुसऱ्या दिवशी मोठा उलटफेर पाहायला मिळाला. जपानने चार वेळच्या चॅम्पियन जर्मनीचा 2-1 असा धक्कादायक पराभव केला. वर्ल्डकपमध्ये दोन दिवसांत दोन आशियाई संघांनी उलटफेर केला आहे. मंगळवारी सौदी अरेबियाने अर्जेंटिनाविरुद्ध 2-1 असा विजय मिळवला होता.
जपानचे दोन्ही गोल बदली खेळाडूंनी केले. जपानसाठी रित्सू डोआनने 75व्या मिनिटाला आणि ताकुमा असानोने 83व्या मिनिटाला गोल केले. तत्पूर्वी, एलकाई गुंडोआनने ३३व्या मिनिटाला पेनल्टीवर जर्मनीसाठी पहिला गोल केला.
ताकुमा असानोने जपानसाठी दुसरा गोल केला. त्याने ८३व्या मिनिटाला गोल केला. अशा प्रकारे जपानने जर्मनीविरुद्ध 2-1 अशी आघाडी घेतली आहे. 57व्या मिनिटाला तो बदली खेळाडू म्हणून मैदानात आला होता.
जपानच्या रित्सू डॉनने केला पहिला गोल केला. त्याने 75व्या मिनिटाला गोल केला. तो 71व्या मिनिटाला बदली खेळाडू म्हणून मैदानात आला होता.