ऑकलंड - न्यूझीलंड दौऱ्यावर असलेल्या भारतीय महिला हॉकी संघाला पराभवाला सामोरे जावे लागले. आज (बुधवार) झालेल्या सामन्यात न्यूझीलंडने भारताला १-० ने धूळ चारली. सामन्यात एकमात्र गोल ३७ व्या मिनिटाला न्यूझीलंडच्या होप राल्फ हिने केला.
याआधी झालेल्या सामन्यात भारताने न्यूझीलंडच्या डेव्हलपमेंट संघाला ४-० ने धूळ चारली होती. मात्र, आज भारताला १-० ने पराभूत व्हावे लागले.
भारतीय संघाने आक्रमक सुरूवात केली. सामन्याच्या दुसऱ्या मिनिटाला पेनल्टी मिळाला. मात्र, यावर गोल करण्यात भारतीय खेळाडूंना अपयश आले. यानंतर संपूर्ण सामन्यात न्यूझीलंडचे वर्चस्व राहिले.