चंदीगड : पंजाबचे मुख्यमंत्री भगवंत मान यांनी माजी हॉकीपटू परमजीत कुमार, जे धान्य मार्केटमध्ये कार्यरत आहेत. त्यांना क्रीडा विभागात प्रशिक्षक म्हणून नियुक्ती पत्र दिले. नियुक्ती पत्र सुपूर्द करताना मुख्यमंत्र्यांनी परमजीतला सोमवार, 6 मार्च रोजी भटिंडा येथे प्रशिक्षक म्हणून रुजू होण्यास सांगितले. ते म्हणाले की, परमजीतने यापूर्वी अनेक राष्ट्रीय स्तरावरील स्पर्धांमध्ये राज्याचे प्रतिनिधित्व केले आहे. भगवंत मान म्हणाले की, दुर्दैवाने परमजीत कुमार जखमी झाले, त्यामुळे त्यांना मैदान सोडावे लागले.
मागील सरकारचे दुर्लक्ष : मुख्यमंत्री म्हणाले की, मागील सरकारांच्या दुर्लक्षामुळे या गुणवान हॉकीपटूला धान्य मार्केटमध्ये पेडलर म्हणून काम करावे लागले. भगवंत मान म्हणाले की, जेव्हा त्यांना या हॉकीपटूच्या दुरवस्थेची माहिती प्रसारमाध्यमांद्वारे समजली. तेव्हा त्यांनी त्यांना त्यांच्या शासकीय निवासस्थानी बोलावले आणि सरकारी नोकरीची ऑफर दिली. आता नियुक्ती पत्र परमजीतला देण्यात आले असून ते सोमवारी भटिंडा येथे रुजू होणार असल्याचे त्यांनी सांगितले.
आंतरराष्ट्रीय स्पर्धांमध्ये देशाचे नाव उज्वल : परमजीत आपल्या कौशल्याने राष्ट्रीय आणि आंतरराष्ट्रीय स्पर्धांमध्ये देशाचे नाव उज्वल होईल असे अनेक खेळाडू घडवेल, असा विश्वास मुख्यमंत्र्यांनी व्यक्त केला. परमजीतने वेळेवर पुढील शिक्षण घेतल्यास त्यांना नियमानुसार प्रमोशनही मिळेल, असेही ते म्हणाले. या खेळाडूने राज्यासाठी दिलेल्या अमूल्य योगदानाची दखल घेण्याचा राज्य सरकारचा हा नम्र प्रयत्न असल्याचे भगवंत मान म्हणाले.
असा ऐतिहासिक निर्णय घेणे फार दुर्मिळ : परमजीत कुमार यांनी या पावलाबद्दल मुख्यमंत्र्यांचे आभार मानले असून, एखाद्या मुख्यमंत्र्यांनी असा ऐतिहासिक निर्णय घेणे फार दुर्मिळ आहे. मुख्यमंत्रिपदाच्या कार्यकाळात पंजाब उंची गाठेल, असा विश्वास त्यांनी व्यक्त केला. मुख्यमंत्र्यांच्या अपेक्षा पूर्ण करण्याचा सर्वतोपरी प्रयत्न करू, अशी ग्वाही त्यांनी दिली. याशिवाय नोकरी मिळाल्यानंतर परमजीत कुमार म्हणाले की, पंजाब सरकारने केलेले हे काम अत्यंत प्रशंसनीय आहे.
हेही वाचा :Winter Games in Gulmarg : काश्मीर खोऱ्यात लष्कराचे खेळांना प्रोत्साहन, गुलमर्गमध्ये हिवाळी खेळांचे आयोजन केले
