नवी दिल्ली : सर्बियाच्या नोव्हाक जोकोविचने रविवारी फायनलमध्ये स्टेफानोस त्सित्सिपासचा पराभव करून आपले २२ वे ग्रँडस्लॅम विजेतेपद पटकावले. त्याने अंतिम फेरीत त्सित्सिपासविरुद्ध ६-३, ७-६, ७-६ असा विजय मिळवून १०व्यांदा ऑस्ट्रेलियन ओपन जिंकले. ऑस्ट्रेलियन ओपन जिंकून जोकोविचने राफेल नदालच्या २२ ग्रँडस्लॅमची बरोबरी केली आहे.
सलमान बट याची मजेशीर टिप्पणी :पाकिस्तानचा माजी क्रिकेटपटू सलमान बट याने जोकोविचच्या कामगिरीबद्दल मजेशीर टिप्पणी केली. सलमान म्हणाला की, आभारी आहे, तो पाकिस्तानसाठी खेळत नाही. नोव्हाक जोकोविचने रविवारी ऑस्ट्रेलियन ओपनचे विजेतेपद जिंकून इतिहास रचला. नोव्हाक जोकोविच 35 वर्षांचा आहे. त्याचे वय पाहता पाकिस्तानचा माजी सलामीवीर बटने त्याच्यावर मजेशीर भाष्य केले.
सलमान बटचे वादग्रस्त आणि हस्यास्पद विधान :बटने यूट्यूब चॅनलला दिलेल्या मुलाखतीत सांगितले की, नोव्हाक जोकोविच ऑस्ट्रेलियन ओपन टेनिस खेळू शकतो. परंतु, जर तो पाकिस्तानमध्ये असता तर तो 30 वर्षांच्या पुढे बॅडमिंटन खेळू शकला नसता. त्याला पाकिस्तान बोर्डाने घरी बसवले असते. उलट आपण 30 वर्षांच्या पुढे गेलो आहोत, याची जाण ठेवून जोकोविचने आपला प्रवास थांबवला पाहिजे होता. असे वादग्रस्त वक्तव्य करून त्याने वाद ओढवून घेतला आहे.
ऑस्ट्रेलियन ओपन विजेतेपद जोकोविचला :प्रत्युत्तरात बट म्हणाले की, तो आमचा जुना सेटअप होता. ते कसले लोक होते माहीत नाही. 45 किंवा 50 वर्षांचे होऊनही तुम्ही खेळत राहाल का, पण तुम्ही खेळू शकत नाही, असे इतरांना सांगायचे. जसे तुमचे वय ३० पेक्षा जास्त असेल, तर तुम्ही खेळू शकणार नाही. त्याच वेळी, त्याचे 10 वे ऑस्ट्रेलियन ओपन विजेतेपद जिंकल्यानंतर, जोकोविच सोमवारी जाहीर झालेल्या नवीन एटीपी क्रमवारीत पहिल्या क्रमांकावर परतला. सर्बियन खेळाडूला चार स्थानांचा फायदा झाला. यासह, त्याने अव्वल रँकिंग पुरुष खेळाडू म्हणून विक्रमी 374 व्या आठवड्याची सुरुवात केली.
दहाव्यांदा जिंकले ऑस्ट्रेलियन ओपन :सर्बियाच्या नोव्हाक जोकोविचसाठी रविवारचा दिवस मोठा ठरला. जोकोविचने 10व्यांदा ऑस्ट्रेलियन ओपनचे विजेतेपद जिंकले आणि त्याच्या 22व्या ग्रँड स्लॅम विजेतेपदासह त्याने स्पेनच्या राफेल नदालच्या विक्रमाशी बरोबरी केली आणि तो पुन्हा जगातील नंबर वन खेळाडू बनला. जोकोविचने रॉड लेव्हर एरिना येथे खेळल्या गेलेल्या अंतिम सामन्यात ग्रीसच्या स्टेफानोस त्सित्सिपासचा ६-३, ७-६(४), ७-६(५) असा सरळ सेटमध्ये पराभव केला आणि गेल्या जूनपासून एटीपी क्रमवारीत पुन्हा प्रथम क्रमांकाचा खेळाडू बनला. सोमवारी जाहीर होणाऱ्या ताज्या क्रमवारीत तो कार्लोस अल्काराझची जागा घेईल. अल्काराझने दुखापतीमुळे यावर्षी ऑस्ट्रेलियन ओपनमधून माघार घेतली होती.
हेही वाचा : Coach Graham Reid Resigns : भारतीय हाॅकी संघाच्या खराब प्रदर्शनानंतर प्रशिक्षक ग्राहम रीड यांनी दिला राजीनामा
