जकार्ता:आशिया कप हॉकी 2022 ( Asia Cup Hockey 2022 ) स्पर्धेतील अ गटातील सामना भारत विरुद्ध जपान संघात झाला. या सामन्यात जपानने भारताचा 5-2अशा फरकाने पराभव ( Japan beat India 5-2 ) केला. जपानचा हा सलग दुसरा विजय आहे, त्यामुळे भारताला अजून विजयाचे खाते उघडता आले नाही. भारताचा पहिला सामना पाकिस्तान विरुद्ध अनिर्णीत राहिला होता.
जपानने आपल्या पहिल्या सामन्यात इंडोनेशियाचा 9-0 असा पराभव केला. तर भारताने पहिल्या सामन्यात पाकिस्तानसोबत 1-1 अशी बरोबरी साधली होती. भारताकडून फक्त पवन राजभर आणि उत्तम सिंग यांनी गोल केले. भारतासाठी राजभरने 45व्या मिनिटाला पहिला गोल केला, तर उत्तम सिंगने 50व्या मिनिटाला दुसरा गोल केला.