भुवनेश्वर - भारताच्या पुरुष हॉकी संघाने एफआयएच प्रो लीग स्पर्धेत ऐतिहासिक कामगिरी नोंदवली. भारताने शनिवारी झालेल्या पहिल्या सामन्यात जगजेत्या बेल्जियमला २-१ ने पराभवाचा धक्का दिला.
भुवनेश्वर येथील कलिंगा हॉकी स्टेडियमवर भारत-बेल्जियम सामना पार पडला. या सामन्यात ११ गुणांसह पहिल्या स्थानावर असलेल्या बेल्जियमला भारताने पराभवाचा धक्का दिला.
भारतीय खेळाडूंनी पहिल्या सत्रापासूनच आक्रमक खेळ केला आणि भारतीय आघाडीपटूंनी बेल्जियमच्या बचावपटूंवर दबाव आणला. भारताची ही रणणिती यशस्वी ठरली. मनदीपसिंगने सामन्याच्या दुसऱ्या मिनिटाला मैदानी गोल नोंदवून भारताला १-० ने आघाडी मिळवून दिली. भारताने ही आघाडी मध्यांतरापर्यंत कायम राखली.