मुंबई- कोरोना विषाणूचा वाढता प्रादुर्भाव लक्षात घेता पंतप्रधान नरेंद्र मोदी यांनी लॉकडाऊनचा कालावधी आणखी २१ दिवसांनी वाढवला आहे. मोदींनी यांची घोषणा आज (मंगळवार) केली आणि त्यानुसार ३ मे पर्यंत लॉकडाऊन कायम राहणार आहे. मात्र, या वाढलेल्या लॉकडाऊनचा फटका 'हॉकी इंडिया'ला बसला आहे.
हॉकी इंडियाने, पंतप्रधान मोदी यांच्या घोषणेनंतर, राष्ट्रीय स्तरावरील सर्व स्पर्धा अनिश्चित काळासाठी स्थगित केल्याची घोषणा केली. हॉकी इंडियाने या संदर्भात ट्विट केले आहे. या स्पर्धा २९ एप्रिलपासून सुरू करण्यात येणार होत्या. तर स्पर्धेची सांगता ३ जुलैला होणार होती. पण लॉकडाऊनमुळे आता ही स्पर्धा अनिश्चित काळासाठी स्थगित करण्यात आलेली आहे.