नवी दिल्ली:अखिल भारतीय वरिष्ठ निवड समितीने ( All India Senior Selection Committee ) बुधवारी इराणी चषक 2022 ( Irani Cup 2022 ) मधील सौराष्ट्र विरुद्धच्या सामन्यासाठी भारताच्या 16 सदस्यीय संघाची घोषणा केली आहे. त्याचबरोबर या संघाचे नेतृत्व भारताचा कसोटी फलंदाज हनुमा विहारीकडे ( Captain Hanuma Vihari ) सोपवले आहे.
रणजी ट्रॉफी 2019-20 चॅम्पियन सौराष्ट्र विरुद्धचा हा सामना 1 ते 5 ऑक्टोबर दरम्यान राजकोट येथील सौराष्ट्र क्रिकेट असोसिएशन स्टेडियमवर ( Saurashtra Cricket Association Stadium ) खेळवला जाईल. 2019-20 मध्ये सौराष्ट्र रणजी चॅम्पियन बनल्यानंतर, कोविड-19 मुळे लॉकडाऊनमुळे हा सामना खेळता आला नाही. तीन वर्षांनंतर ही स्पर्धा पुन्हा सुरु होत आहे, जी साथीच्या रोगामुळे रद्द करण्यात आली होती.
बीसीसीआय सचिव जय शाह ( BCCI Secretary Jay Shah ) यांनी जारी केलेल्या प्रसिद्धीपत्रकानुसार, संघात मयंक अग्रवाल ( Mayank Agarwal ), प्रियांक पांचाल, अभिमन्यू ईश्वरन, यश धुल, सरफराज खान, यशस्वी जैस्वाल आणि विहारी व्यतिरिक्त अनुभवी आणि युवा फलंदाजांचे चांगले मिश्रण आहे. यातील सरफराज खान आणि यशस्वी जैस्वाल अप्रतिम फॉर्मात आहेत. यशस्वीने दुलीप ट्रॉफी 2022 च्या अंतिम सामन्यात आपल्या संघासाठी द्विशतक झळकावले होते. त्याचबरोबर सरफराज खानने दुसऱ्या डावात नाबाद शतक झळकावले होते. या दोघांच्या फलंदाजीच्या जोरावर अजिंक्य रहाणेच्या नेतृत्वाखाली पश्चिम विभागाने दक्षिण विभागाचा पराभव करत दुलीप करंडक पटकावला.