नवी दिल्ली :चेन्नईच्या चेपॉक स्टेडियमवर चेन्नई सुपर किंग आणि राजस्थान रॉयल्स यांच्यात खेळल्या गेलेल्या रोमहर्षक सामन्यात विजय मिळवणाऱ्या संदीप शर्माच्या नवजात मुलीनेही शेवटच्या षटकात मॅचचा आनंद लुटला आहे. संदीप शर्माची पत्नी आणि मुलगी घरी बसून टीव्हीवर सामना पाहत असल्याची क्लिप सोशल मीडियावर व्हायरल होत आहे. ज्यावर युजर्स विविध प्रकारे कमेंट करत आहेत.
मुलगी संदीपच्या शानदार गोलंदाजीचा आनंद घेताना दिसली :आपण या क्लिपमध्ये पाहू शकता की संदीप शर्माची नवजात मुलगी तिच्या आईच्या मांडीवर बसून राजस्थान रॉयल्स आणि चेन्नई सुपर किंग्ज यांच्यातील शेवटच्या षटकातील सामन्याचा थरार पाहत आनंदाने हसत आहे. याचा एक व्हिडिओ क्रिकइन्फो वेबसाइटने शेअर केला आहे. व्हिडिओमध्ये संदीप शर्मा यांची मुलगी आईच्या मांडीवर बसून वडील संदीप शर्मा यांनी केलेल्या शानदार गोलंदाजीचा आनंद घेत असल्याचे दिसत आहे.
राजस्थान रॉयल्सने विजय मिळवला : बुधवारी खेळल्या गेलेल्या आयपीएल सामन्यात राजस्थान रॉयल्सने चेन्नई सुपर किंग्जचा रोमहर्षक सामन्यात 3 धावांनी पराभव केला. शेवटच्या षटकाच्या शेवटच्या चेंडूपर्यंत रंगलेल्या या रोमांचक सामन्याची क्रीडाप्रेमींमध्ये जोरदार चर्चा आहे. खेळपट्टीचा मूड पाहून चेन्नई सुपर किंग्जचा कर्णधार महेंद्रसिंग धोनीने बुधवारी राजस्थान रॉयल्सविरुद्ध नाणेफेक जिंकून प्रथम गोलंदाजी करण्याचा निर्णय घेतला होता, हा निर्णय चुकीचा ठरला आणि राजस्थान रॉयल्सने विजय मिळवला.
पिन-पॉइंट यॉर्कर्सचा वापर : सामन्यानंतर संदीप शर्माने यजुवेंद्र चहल आणि त्याच्या संघाचे गोलंदाजी प्रशिक्षक लसिथ मलिंगा यांच्याशी शेवटच्या षटकातील गोलंदाजीबाबत चर्चा करताना सांगितले की, प्रशिक्षक लसिथ मलिंगाच्या सूचना आणि टिप्सच्या मदतीने त्याने शेवटच्या षटकात आपल्या पिन-पॉइंट यॉर्कर्सचा वापर केला. शेवटच्या षटकांमध्ये जोरदार फलंदाजी करणाऱ्या आणि अनेकदा आपल्या संघासाठी सामने जिंकणाऱ्या जडेजा आणि महेंद्रसिंग धोनीला शेवटच्या 3 चेंडूंमध्ये एकही चौकार मारू दिला नाही. महेंद्रसिंग धोनीने शेवटच्या षटकातील दुसऱ्या आणि तिसऱ्या चेंडूवर लागोपाठ दोन षटकार मारले.
हेही वाचा :Rohit Sharma Tilak Verma Video : रोहित शर्मासोबत फलंदाजीसाठी वाट पाहत होता तिलक वर्मा, स्वप्न पूर्ण झाल्यावर झाला भावूक
