नवी दिल्ली :आयपीएलच्या 50 व्या सामन्यात दिल्ली कॅपिटल्सविरुद्धच्या पराभवानंतर रॉयल चॅलेंजर्स बंगळुरूचा कर्णधार फाफ डू प्लेसिसने निराशा व्यक्त केली आहे. यासोबतच त्याने आरसीबीचा सामना हरण्याचे मोठे कारण सांगितले आहे. फाफ डू प्लेसिसने सांगितले की, या मैदानावर 181 धावांची धावसंख्या खूप चांगली होती. खेळपट्टीवरील ओलावा असल्यामुळे फिरकीपटू प्रभावी ठरू शकले नाहीत. खेळपट्टीवरील ओलावा ही आरसीबीच्या फिरकीपटूंसाठी मोठी समस्या बनली आहे. त्यामुळे आरसीबीला सामना गमवावा लागला.
IPL 2023 : दिल्ली कॅपिटल्सने आरसीबीचा ७ गडी राखून केला पराभव, फिल सॉल्टने ठोकल्या 45 चेंडूत 87 धावा - RCB vs DC
दिल्ली कॅपिटल्सकडून झालेल्या पराभवानंतर आरसीबीचा कर्णधार फाफ डु प्लेसिस निराश दिसत होता. त्याने त्याचा संघ आरसीबीच्या पराभवाचे मोठे कारण सांगितले आहे. तो म्हणाला की, खेळपट्टीवरील ओलावा आरसीबीच्या फिरकीपटूंना त्रास देत होता.
आयपीएल 2023
दिल्ली कॅपिटल्सला सात विकेट्सने विजय मिळवून दिला : दिल्ली कॅपिटल्सकडून फलंदाजी करताना फिल सॉल्टने 45 चेंडूत 87 धावांची धडाकेबाज खेळी खेळली. यासह मिचेल मार्श 17 चेंडूत 26 धावा करून नाबाद राहिला आणि रिले रॉसोने 22 चेंडूत 35 धावा केल्या. या फलंदाजांच्या झटपट खेळीने दिल्ली कॅपिटल्सला सात विकेट्सने विजय मिळवून दिला. आरसीबीसाठी महिपाल लोमररने 29 चेंडूत 54 धावांची नाबाद खेळी केली आणि विराट कोहलीने 46 चेंडूत 55 धावा केल्या. पण आरसीबीला जिंकता आले नाही. या सामन्यात आरसीबीने दिल्ली कॅपिटल्सला 4 गडी गमावून 182 धावांचे लक्ष्य दिले होते, जे दिल्लीने 16.4 षटकांत 20 चेंडू राखून 3 विकेट्सच्या मोबदल्यात अगदी सहज गाठले.
दिल्लीच्या खेळाडूंनी चांगली फलंदाजी केली :या सामन्यानंतर फाफ डुप्लेसिस म्हणाला, मला वाटले की 182 हे खूप चांगले लक्ष्य आहे. खेळपट्टीवरील ओलाव्याने फिरकीपटूंना प्रभावी ठरू दिले नाही. पण या विजयाचे श्रेयही दिल्लीच्या फलंदाजांना जाते. आपल्याला दव असूनही योग्य ठिकाणी मारा करणे आवश्यक आहे, आम्ही काही चुका केल्या. त्याचवेळी दिल्लीच्या खेळाडूंनी चांगली फलंदाजी केली आहे.
| हेही वाचा : Ravarambha release : स्वराज्यासाठी लढणाऱ्या मावळ्याची यशोगाथा रावरंभा प्रेक्षकांच्या भेटीला |
| हेही वाचा : Mohammed Siraj Phil Salt Controversy : आधी सिराज - सॉल्ट यांच्यात झाली बाचाबाची, नंतर मिठी मारून केले एकमेकांचे अभिनंदन |
| हेही वाचा : Ajit Pawar On Sharad Pawar : 'शरद पवार आमचे सर्वोच्च नेते; राजीनामा विषय आता क्लोज' |