मुंबई - बांगलादेशचा अष्टपैलू खेळाडू शाकिब अल हसन आणि वेगवान गोलंदाज मुस्तफिजूर रहमान आयपीएल स्थगित झाल्यानंतर चार्टर्ड विमानाने मायदेशी सुरक्षित परतले आहेत. याची माहिती खुद्द मुस्तफिजूरने सोशल मीडियाच्या माध्यमातून दिली.
मुस्तफिजूर रहमानने, शाकिब अल हसन सोबतचा विमानातील फोटो शेअर केला आहे. हा फोटो शेअर करताना त्याने लिहलं आहे की, 'आम्ही कोणत्याही त्रासाशिवाय सुरक्षित बांगलादेशमध्ये पोहोचलो आहोत. मी राजस्थान रॉयल्स आणि कोलकाता नाईट रायडर्स संघाचे आभार मानू इच्छितो. त्यांच्या मदतीमुळे हे शक्य झालं. मी आमच्या आरोग्य मंत्रालयाचे देखील आभार मानतो, त्यांनी देखील आम्हाला मदत केली.'