मुंबई - आयपीएलमध्ये सहभागी ऑस्ट्रेलियाचे खेळाडू, प्रशिक्षक, सामना अधिकारी आणि समालोचक हे सुरक्षित मालदीवला पोहोचले आहेत. क्रिकेट ऑस्ट्रेलिया आणि ऑस्ट्रेलियन क्रिकेटर्स असोसिएशनने याची माहिती दिली. ऑस्ट्रेलियन खेळाडू मालदीवमध्ये काही दिवस राहणार आहेत.
भारतात कोरोनाचा प्रादुर्भाव वाढला आहे. यामुळे ऑस्ट्रेलियाने १५ मे पर्यंत भारतातून थेट येणाऱ्या प्रवाशांवर बंदी घातली आहे. जोपर्यंत याबाबत काही तोडगा निघत नाही, तोपर्यंत ऑस्ट्रेलियन खेळाडू हे मालदीवमध्ये राहतील. दरम्यान, यासंदर्भात क्रिकेट ऑस्ट्रेलियाने ट्विट केलं आहेत. त्यामध्ये त्यांनी म्हटलं आहे की, क्रिकेट ऑस्ट्रेलिया आणि ऑस्ट्रेलियन क्रिकेटर्स असोसिएशन बीसीसीआयचे आभार मानते की, त्यांनी आयपीएल पुढे ढकलल्यानंतर जबाबदारीने ऑस्ट्रेलियन खेळाडूंना भारतातून मालदीवला दोन दिवसाच्या आत पोहोचवले.'