महेंद्रसिंग धोनीला धक्का; 'या' माजी क्रिकेटपटूनं दाखल केली मानहानीची याचिका

Defamation Case Against MS Dhoni: महेंद्रसिंग धोनीच्या विरोधात त्याच्या एकेकाळच्या सहकाऱ्यानंच मानहानीचा खटला दाखल केला आहे. दिल्ली उच्च न्यायालयात ही याचिका दाखल करण्यात आल्यानं मोठी खळबळ उडाली आहे.

नवी दिल्ली Defamation Case Against MS Dhoni : भारतीय क्रिकेट संघाचा माजी कर्णधार महेंद्रसिंग धोनी याच्याविरोधात मानहानीची याचिका दाखल करण्यात आल्यानं खळबळ उडाली आहे. दिल्ली उच्च न्यायालयात महेंद्रसिंग धोनीविरोधात ही याचिका दाखल करण्यात आली. महेंद्रसिंग धोनी विरोधात त्याचा माजी भागीदार मिहीर दिवाकर आणि त्याची पत्नी सौम्या दास यांनी ही मानहानीची याचिका दाखल केली. न्यायमूर्ती प्रतिभा सिंह यांच्या खंडपीठासमोर 18 जानेवारीला या याचिकेवर सुनावणी होणार असल्याची माहिती यावेळी सूत्रांनी दिली.

व्यावसायिक कराराचं उल्लंघन केल्यानं याचिका :महेंद्रसिंग धोनीनं 6 जानेवारीला पत्रकार परिषद घेऊन याचिकाकर्त्यानं आपली 15 कोटींची फसवणूक केल्याचा आरोप केला होता. या प्रकरणी महेंद्रसिंग धोनीनं मिहिर दिवाकर आणि त्याची पत्नी सौम्या दास यांच्याविरोधात फौजदारी खटलाही दाखल केला आहे. मात्र रांची न्यायालयानं या प्रकरणी कोणताही आदेश देण्यापूर्वी महेंद्रसिंग धोनीच्या वतीनं त्याचे वकील दयानंद शर्मा यांनी पत्रकार परिषदेत खोटे आरोप केल्याचा दावा यावेळी करण्यात आला. महेंद्रसिंग धोनी 2017 मध्ये झालेल्या कराराचं उल्लंघन केल्याचा आरोप करत आहे, असंही यावेळी याचिकेत नमूद करण्यात आलं आहे.

महेंद्रसिंग धोनीला आरोप करण्यापासून रोखावं :महेंद्रसिंग धोनीसह त्याच्या वकिलांनी मिहीर दिवाकर आणि त्याची पत्नी सौम्या दास यांच्याविरोधात आरोप केले आहेत. सोशल माध्यमांवरही महेंद्रसिंग धोनी आणि त्याच्याशी संबंधित लोक आरोप करत आहेत. त्यामुळं महेंद्रसिंग धोनी आणि त्याच्या सहकाऱ्यांना आरोप करण्यासापासून रोखावं, असं याचिकेत नमूद करण्यात आलं आहे. मिहीर दिवाकर हा 2000 साली अंडर 19 मध्ये विश्वचषक स्पर्धेत भारतीय संघातील खेळाडू होता.

महेंद्रसिंग धोनी आणि मिहिर दिवाकर यांच्यात करार :मिहीर दिवाकर आणि सौम्या दास हे एक कंपनी चालवतात. त्यांच्या कंपनीचा महेंद्रसिंग धोनी यांच्यात 2017 मध्ये एक करार झाला होता. या करारांतर्गत क्रिकेट अकादमी स्थापन करण्याबाबत चर्चा झाली होती.

हेही वाचा :