England vs Netherlands 1st ODI : नेदरलँड्सविरुद्ध इंग्लंडचा विक्रमांचा पाऊस; एकाच सामन्यात रचले अर्धा डझन विक्रम

व्हीआरए स्टेडियमवर शुक्रवारी झालेल्या तीन सामन्यांच्या मालिकेतील पहिल्या सामन्यात इंग्लंडने नेदरलँड्सविरुद्ध ( England vs Netherlands 1st ODI ) 50 षटकांत 498/4 अशी प्रचंड मोठी धावसंख्या उभारून एकदिवसीय क्रिकेट इतिहासातील सर्वोच्च धावसंख्या नोंदवली. इऑन मॉर्गनच्या नेतृत्वाखालील इंग्लंड संघाने हा सामना 232 धावांनी जिंकला.

अॅमस्टेलवीन : नेदरलँड्सविरुद्धच्या ( England vs Netherlands ) तीन एकदिवसीय मालिकेतील पहिल्या सामन्यात इंग्लंडने एकदिवसीय इतिहासातील सर्वात मोठी धावसंख्या उभारली आहे. इंग्लंडने 50 षटकांत 4 गडी गमावून 498 धावा केल्या आणि त्यांचाच 4 वर्षांचा विक्रम मोडला. 2018 मध्ये, इंग्लिश संघाने ऑस्ट्रेलियाविरुद्ध एकदिवसीय सामन्यात 481 धावा केल्या होत्या. या सामन्याबद्दल बोलायचे झाले तर इंग्लंडने हा सामना 232 धावांनी जिंकला.

सर्वोच्च स्कोअर -

वर्षभरानंतर वनडे खेळण्यासाठी आलेल्या इंग्लंड संघाने इतिहास रचला आहे. अॅमस्टेलवेन येथे खेळल्या गेलेल्या पहिल्या एकदिवसीय सामन्यात त्याने नेदरलँड्सविरुद्ध 4 गडी गमावून 498 धावा केल्या. वनडे इतिहासातील ही सर्वात मोठी धावसंख्या ( ODI highest score ) आहे. इंग्लंडने स्वतःचाच विक्रम मोडला आहे. इंग्लंडने 4 वर्षांपूर्वी नॉटिंगहॅममध्ये ऑस्ट्रेलियाविरुद्ध 6 बाद 481 धावा केल्या होत्या. या सामन्यात सर्वाधिक षटकारही मारले गेले. याशिवाय या सामन्यात इंग्लंडच्या फलंदाजांनी अनेक मोठे विक्रम केले.

सर्वाधिक षटकार मारले -

नेदरलँड्सविरुद्धच्या पहिल्या एकदिवसीय सामन्यात इंग्लंडच्या फलंदाजांनी एकूण 26 षटकार ठोकले. एकदिवसीय डावात सर्वाधिक षटकार ( Highest sixes in ODIs innings ) मारण्याचा हा विक्रम आहे. 2019 मध्ये अफगाणिस्तानविरुद्ध मँचेस्टरमध्ये बनवलेला इंग्लंडनेही या बाबतीत स्वतःचा विक्रम मोडला आहे. त्यानंतर इंग्लिश फलंदाजांनी एकूण 25 षटकार ठोकले होते. त्याच वर्षी सेंट जॉर्ज येथे इंग्लंडने वेस्ट इंडिजविरुद्धच्या एकदिवसीय सामन्यात 24 षटकार ठोकले होते.

बटलरने इंग्लंडसाठी दुसरे जलद शतक झळकावले -

या सामन्यात इंग्लंडचा फलंदाज जॉस बटलरने ( Batsman Jos Butler ) नेदरलँड्सच्या गोलंदाजांची जोरदार धुलाई केली. त्याने अवघ्या 47 चेंडूत आपले शतक पूर्ण केले. इंग्लंडकडून वनडेतील हे दुसरे सर्वात वेगवान शतक आहे. पहिले वेगवान शतकही बटलरच्या नावावर आहे, त्याने पाकिस्तानविरुद्ध 46 चेंडूत शतक झळकावले होते.

सर्वात जलद 150 धावा -

बटलरने नेदरलँड्सविरुद्धच्या पहिल्या एकदिवसीय सामन्यात सर्वात जलद शतक तर केलेच, पण दुसऱ्या जलद 150 धावाही केल्या. त्याने 65 चेंडूत 150 धावा पूर्ण केल्या. एकदिवसीय क्रिकेटमध्ये सर्वात जलद 150 धावा ( Fastest 150 runs in odi ) करण्याचा विक्रम दक्षिण आफ्रिकेचा फलंदाज एबी डिव्हिलियर्सच्या नावावर आहे. बटलरने 70 चेंडूत नाबाद 162 धावा केल्या, ही त्याची वनडेतील सर्वात मोठी खेळी आहे.

वनडेतील दुसरे सर्वात वेगवान अर्धशतक -

नेदरलँड्सविरुद्धच्या पहिल्या एकदिवसीय सामन्यात, लियाम लिव्हिंगस्टोनने एकदिवसीय इतिहासातील दुसरे सर्वात जलद अर्धशतक ( The second fastest half-century in ODIs ) पूर्ण करत बॅटने धमाल केली. लिव्हिंगस्टोनने अवघ्या 17 चेंडूत अर्धशतक झळकावले, सर्वात जलद अर्धशतक करण्याचा विक्रमही एबी डिव्हिलियर्सच्या नावावर आहे. त्याने वनडेमध्ये 16 चेंडूत 50 धावा पूर्ण केल्या आहेत.

इंग्लंडच्या तीन फलंदाजांनी झळकावली शतके -

या सामन्यात फिल सॉल्ट (122), डेव्हिड मलान (125) आणि जोस बटलर (नाबाद 162) या तीन फलंदाजांनी इंग्लंडकडून शतके झळकावली ( Three batsmen scored centuries for England ). एकदिवसीय क्रिकेटमध्ये पहिल्यांदाच इंग्लंडच्या तीन फलंदाजांनी शतके झळकावली. दक्षिण आफ्रिकेच्या संघाने वनडेमध्ये दोनदा अशी कामगिरी केली आहे.

हेही वाचा -Ind Vs Sa 4th T20 : भारताचा दक्षिण आफ्रिकेवर 82 धावांनी दणदणीत विजय