दुबई - आयपीएल 2021च्या दुसऱ्या सत्राला सुरूवात होण्याआधीच दिल्ली कॅपिटल्स संघाला मोठा धक्का बसला आहे. दिल्लीचा फिरकीपटू गोलंदाज मनिमारन सिद्धार्थ दुखापतग्रस्त झाला असून तो आयपीएल 2021 मधून बाहेर पडला आहे. दिल्लीने सिद्धार्थच्या जागेवर नेट गोलंदाज म्हणून निवडण्यात आलेला कुलवंत खेजरोलिया याला आपल्या मुख्य संघात घेतले आहे. कुलवंत खेजरोलिया डावा हाताचा वेगवान गोलंदाज आहे.
दिल्ली कॅपिटल्सने आज बुधवारी एक प्रसिद्धीपत्रक जारी केले आहे. यात ते म्हणतात की, फिरकीपटू मनिमारन सिद्धार्थ दुखापतग्रस्त झाला असून तो आयपीएल 2021 मध्ये खेळणार नाही. त्याला दुबईत सराव सत्रात दरम्यान दुखापत झाली.
वेगवान गोलंदाज कुलवंत खेजरोलिया याचा दिल्ली संघात नेट गोलंदाज म्हणून समावेश होता. तो दिल्ली कॅपिटल्सच्या बायो बबलमध्ये होता. त्यामुळे दिल्ली संघाने त्याला आपल्या मुख्य संघात सामिल करून घेतले आहे.