केपटाउन- दक्षिण आफ्रिकेत सध्या मॅझन्सी सुपर टी-२० लीग स्पर्धेचा थरार रंगला आहे. या लीगमध्ये पाकिस्तानचा वेगवान गोलंदाज वहाब रियाजने केप टाऊन ब्लित्झ संघाकडून खेळताना एक अप्रतिम यॉर्कर टाकला. त्याने टाकलेल्या चेंडूचा अंदाज येण्यापूर्वीच प्रतिस्पर्धी फलंदाजांचे स्टम्प्स उडाले होते.
केप टाऊन ब्लित्झ आणि टीश्वाने स्पार्टन्स यांच्यात लीगचा २२ वा सामना झाला. या सामन्यात वहाब रियाजने रोएल्फ वॅन डर मर्वे याला एक अप्रतिम यॉर्कर टाकला. मर्वेला काही कळण्यापूर्वीच चेंडूने स्टम्प्स उडवले. पण, वहाबचा हा चेंडू नो बॉल ठरला आणि मर्वेला जीवदान मिळाले. जर हा चेंडू नो बॉल ठरला नसता तर लीगमध्ये 'बेस्ट बॉल' ठरला असता, असे क्रिकेट जाणकारांचे म्हणणे आहे. पण, या सामन्यात मर्वेच्या स्पार्टन्स संघाला पराभव पत्करावा लागला. केप टाऊन ब्लित्झ संघाने हा सामना १५ धावांनी जिंकला.