नवी दिल्ली - टीम इंडियाचा कर्णधार विराट कोहलीने क्रिकेटच्या मैदानावर अनेक विक्रम केले आहेत. मात्र, त्याने आता मैदानाच्या बाहेरही एक मोठे शिखर सर केले आहे. हे करताना त्याने सचिन तेंडुलकरलाही मागे टाकले.
विराट कोहलीने सोशल मीडियावर एक विक्रम केला आहे. सोशल मीडियावर सर्वाधिक फॉलोअर्स असणाऱ्या क्रिकेटपटूंमध्ये विराटने प्रथम स्थान पटकावले आहे. ट्विटर, फेसबुक आणि इंस्टाग्रामवर विराटचे तीन करोडपेक्षा जास्त फॉलोअर्स झाले आहेत. या यादीत भारताचा दिग्गज माजी फलंदाज सचिन दुसऱ्या स्थानी आहे.