'कश्मीर मुबारक'!.. कलम ३७० रद्द केल्याबद्दल 'या' खेळाडूंनी मांडल्या प्रतिक्रिया

केंद्रीय गृहमंत्री अमित शाह यांनी 370 कलम रद्द करण्याचा प्रस्ताव मांडला होता. या प्रस्तावाला राज्यसभेत मंजूरी मिळाली आहे.

नवी दिल्ली -केंद्र सरकारने जम्मू काश्मीरमध्ये लागू असलेले 370 कलम रद्द केले आहे. जम्मू आणि काश्मीर हे दिल्लीसारखे विधानसभा असलेला केंद्रशासित प्रदेश असणार आहे. या ऐतिहासिक निर्णयामुळे संपूर्ण भारतातून विविध प्रतिक्रिया उमटत आहेत. भारताच्या अनेक खेळाडूंनीसुद्धा या निर्णयाविषयी प्रतिक्रिया दिल्या आहेत.

केंद्रीय गृहमंत्री अमित शाह यांनी 370 कलम रद्द करण्याचा प्रस्ताव मांडला होता. या प्रस्तावाला राज्यसभेत मंजुरी मिळाली आहे. देशाच्या इतिहासातील एक मोठा निर्णय मोदी सरकारने घेतला आहे. या निर्णयाचे सर्व स्तरातून कौतुक होत आहे. जम्मू-काश्मीर राज्याचे विभाजन होऊन लडाख हे स्वतंत्र केंद्रशासित राज्य स्थापन करण्यात आले आहे.