मुंबई - कोरोनाचा वाढता संसर्ग पाहून देशातील लॉकडाऊन अजूनही कायम ठेवण्यात आला आहे. या लॉकडाऊनमध्ये केशकर्तनालय बंद आहेत. यामुळे आपापल्या घरीच असलेल्या नागरिकांना घरीच केस कापावे लागत आहेत. काही दिवसांपूर्वी भारताचा महान खेळाडू सचिन तेंडुलकर घरीच केस कापताना दिसून आला. त्याने केस कापतानाचा व्हिडीओ शेअर केला होता. आता सचिनने आणखी एक व्हिडीओ पोस्ट केला असून त्यात तो मुलगा अर्जुनचे केस कापताना दिसत आहे.
सचिनने हा व्हिडीओ शेअर करताना, एक बाप म्हणून सगळे यायला हवे. मुलांसोबत खेळणे असो, व्यायाम करणे असो किंवा त्यांचे केस कापणे असो, असे कॅप्शन दिले आहे. हेअरकट कसाही झालेला असला तरी अर्जुन तू नेहमी 'हॅन्डसम'च दिसतो. माझी हेअरस्टायलिस्ट असिस्टंट साराने अर्जुनचे केस कापण्याच्या कामी मदत केल्याने तिचे आभार, असेही सचिनने म्हटले आहे.