मुंबई - भारताचा माजी दिग्गज खेळाडू सचिन तेंडुलकरने भारताचा युवा वेगवान गोलंदाज मोहम्मद सिराजचे कौतूक केले. सिराज गोलंदाजीदरम्यान, आऊंटस्विंग चेंडू चांगल्या प्रकारे फेकत होता, असे सचिनने म्हटलं आहे.
२६ वर्षीय मोहम्मद सिराजने मेलबर्नमध्ये खेळवण्यात आलेल्या बॉक्सिंग डे कसोटीतून पदार्पण केले. यात त्याने पाच विकेट घेत आपली छाप सोडली. यानंतर सिडनी कोसोटीत त्याला दोन गडी बाद करता आले.
सिराजच्या गोलंदाजीचे कौतूक सचिनने केले. सोशल मीडियावर सचिनने एक व्हिडिओ शेअर केला आहे. जेव्हा सिराज गोलंदाजी करता होता. तेव्हा तो खेळपट्टी खराब झालेल्या ठिकाणी टप्पा फेकत असल्याचे लोकांनी सांगितले. पण मी याहून काही वेगळेच अनुभवले, असल्याचे सचिनने सांगितले.