मुंबई - भारतीय क्रिकेट संघाच्या कामगिरीवर खूश असल्यामुळे मुख्य प्रशिक्षक आणि साहाय्यकांच्या करारात वाढ होण्याचा आग्रह काही दिवसांपूर्वी प्रशासकीय समितीने धरला होता. मात्र, तरीही बीसीसीआय नव्या प्रशिक्षकाच्या शोधात आहे. लवकरच या पदासाठी जाहिरात येणार असल्याची शक्यता वर्तविली जात आहे.
इंग्लंडमध्ये होणाऱ्या विश्वकरंडक स्पर्धेनंतर नवीन प्रशिक्षकाचा शोध बीसीसीआय करणार असल्याच्या शक्यता बळावली आहे. भारताच्या विंडीज दौऱ्यापूर्वी भारतीय संघाला नवा प्रशिक्षक मिळू शकतो. जर पात्र उमेदवार न भेटल्यास रवी शास्त्री यांना मुदतवाढ मिळून विंडीज दौऱ्यात भारतीय संघासोबत कायम राहतील.