नवी दिल्ली -न्यूझीलंडचा दिग्गज फिरकीपटू आणि माजी कर्णधार डॅनियल व्हेट्टोरीची जर्सी निवृत्त झाली आहे. न्यूझीलंड क्रिकेटने सोमवारी यांसंबंधी माहिती दिली. व्हेट्टोरीची ११ क्रमांकाची जर्सी निवृत्त झाली आहे.
श्रीलंकेविरुद्ध होणाऱ्या कसोटी मालिकेपूर्वी न्यूझीलंड क्रिकेटने आपल्या खेळा़डूंच्या जर्सीबद्दल घोषणा केली. त्यानिमित्ताने व्हेट्टोरीच्या जर्सीच्या निवृत्तीचीही माहिती देण्यात आली. न्यूझीलंड क्रिकेटने केलेल्या ट्विटमध्ये म्हटले आहे, 'ज्या खेळाडूंनी न्यूझीलंडसाठी २०० सामन्यांमध्ये प्रतिनिधीत्व केले आहे, त्यांची जर्सी निवृत्त केली जाईल.' व्हेट्टोरीने २९१ एकदिवसीय सामन्यात ३०५ बळी घेतले आहेत. २००७ ते २०११ पर्यंत तो न्यूझीलंड संघाचा कर्णधार होता.