चेन्नई - भारतीय संघाचा माजी कर्णधार महेंद्रसिंह धोनीने आंतरराष्ट्रीय क्रिकेटमधून निवृत्ती घेतली आहे. तो आयपीएलमध्ये चेन्नई सुपर किंग्ज संघाचे नेतृत्व करतो. धोनीने आयपीएलच्या चौदाव्या हंगामाच्या तयारीला सुरूवात केली आहे. चेन्नईत ट्रेनिंग कॅपसाठी आलेल्या धोनीचे हॉटेल स्टाफकडून जोरदार स्वागत करण्यात आले. धोनीच्या जंगी स्वागताचा व्हिडिओ चेन्नई सुपर किंग्जने त्यांच्या ट्विटर अकाउंटवरुन शेअर केला आहे.
चेन्नईचे सीईओ के एस विश्वनाथन यांनी सांगितले की, ९ मार्चपासून चेन्नई सुपर किंग्ज संघाच्या ट्रेनिंग कॅपला सुरूवात होणार आहे. यात उपलब्ध खेळाडू सहभागी होणार आहेत. धोनी या ट्रेनिंग कॅपमध्ये सहभागी होण्यासाठी चेन्नईत दाखल झाला आहे. त्याचे हॉटेल स्टाफने जोरदार स्वागत केले. धोनीच्या जंगी स्वागताचा व्हिडिओ चेन्नई सुपर किंग्जने त्यांच्या ट्विटर अकाउंटवरुन शेअर केला आहे. हा व्हिडिओ सद्या सोशल मीडियावर चांगलाच व्हायरल झाला आहे.