चेन्नई -आयपीएल संघ चेन्नई सुपर किंग्जचा (सीएसके) कर्णधार महेंद्रसिंह धोनीचे चेन्नईत आगमन झाले आहे. कोरोना चाचणी निगेटिव्ह आल्यानंतर, धोनीने आज चेन्नई गाठली. तो आता चेन्नईत आठवडाभर सरावशिबिराला उपस्थिती नोंदवेल. चेन्नई प्रवासादरम्यान त्याच्यासोबत सीएसकेतील सुरेश रैना, दीपक चहर, पीयूष चावला, आणि कर्ण शर्मा उपस्थित होते.
कोरोनामुळे यंदाच्या आयपीएलचे आयोजन १९ सप्टेंबर ते १० नोव्हेंबर या कालावधीत संयुक्त अरब अमिरातीमध्ये (यूएई) होणार आहे. चेन्नईतील शिबिरापूर्वी, धोनीने त्याचा संघसहकारी मोनू कुमार सिंग याच्यासोबत ही चाचणी केली.