नवी दिल्ली - भारतीय संघाचा वेगवान गोलंदाज मोहम्मद शमीला आपल्या खासगी आयुष्यात अनेक संकटांना सामोरे जावे लागत आहे. कारण मतभेदावरून शमीची पत्नी हसीन जहाँने शमीविरोधात न्यायालयात धाव घेतली आहे. यामुळे दोघेही एकत्रित राहत नाहीत. या दरम्यान, शमीची चिमुकली आयरा हसीन जहाँसोबत राहत आहेत.
मोहम्मद शमी आपली मुलगी आयराला खूप मिस करतो. तो अनेकदा मुलीच्या आठवणीत व्याकूळ होत सोशल मीडियावरून आपल्या भावनाही व्यक्त करताना आढळला आहे. शमीने आता आपल्या इन्स्टाग्राम अकाउंटवर मुलगी आयराचा डान्स करतानाचा व्हिडिओ शेअर केला आहे.
शमीने शेअर केलेल्या व्हिडिओत आयरा भोजपुरी गाण्यावर डान्स करताना दिसत आहे. हा व्हिडिओ चाहत्यांना प्रचंड आवडला आहे. यामुळे व्हिडिओ सध्या सोशल मीडियावर चांगलाच व्हायरल झाला आहे. दरम्यान, शमीने व्हिडिओसोबत 'माझी डॉलने, माझ्यापेक्षा चांगला डान्स करते, असे मजेशीर कॅप्शनही दिले आहे.