नाशिक - महिला क्रिकेटपटू माया सोनवणेची चॅलेंजर्स ट्रॉफीसाठी भारत अ संघात निवड झाली आहे. उत्तम फिरकीपटू असलेल्या मायाने नुकतीच पाँडीचेरी येथे झालेल्या 23 वर्षांखालील टी-20 सामन्यात महाराष्ट्राचे प्रतिनिधित्व केले होते.
23 वर्षांखालील महिलांच्या स्पर्धेत मायाने सर्वाधिक 15 गडी बाद करण्याचा विक्रम केला. सातत्याने केलेल्या चमकदार कामगिरीमुळे तिची चैलेंजर्स ट्रॉफीसाठी निवड करण्यात आली. 11 डिसेंबर ते 13 डिसेंबर दरम्यान पाँडीचेरी येथे भारत अ, भारत ब , भारत क या संघात सामने होणार आहेत. यातील सर्वोत्तम दोन संघांमध्ये 15 डिसेंबरला टी 20 चॅलेंजर ट्रॉफीचा अंतिम सामना होईल.