मुंबई -एकदिवसीय विश्वकरंडकासाठी आता काहीच दिवस बाकी राहिले आहेत. या पार्श्वभूमीवर क्रिकेटविश्वातील अनेक दिग्गजांनी आपली मते मांडण्यास सुरुवात केली आहे. भारताच्या पहिल्या विश्वकरंडक विजयी संघाचे नेतृत्व करणारे कपिल देव यांनी आपले मत व्यक्त केले आहे. कपिल यांच्या नेतृत्वात भारताने १९८३ला इंग्लंडमध्ये आपला पहिला क्रिकेट विश्वकरंड जिंकला होता.
'विराट कोहलीच्या नेतृत्वातील भारतीय क्रिकेट संघ २०१९ च्या आयसीसी वनडे विश्वकरंडक स्पर्धेत सेमीफायनलपर्यंत नक्कीच धडक मारेल, मात्र विश्वविजेता कोण ठरेल याचा अंदाज लावणे अशक्य आहे. भारतासोबत ऑस्ट्रेलिया आणि इंग्लंड हे संघही सेमीफायनलपर्यंत धडक मारतील असे मत कपिल देव यांनी व्यक्त केले आहे. तसेच भारताच्या वेगवान गोलंदाजांना इंग्लंडच्या खेळपट्ट्या चांगली साथ देतील, अशी आशाही त्यांनी व्यक्त केली आहे.