ऑकलंड - न्यूझीलंड क्रिकेट संघाचा कर्णधार केन विल्यमसन याने कर्णधार पद सोडण्याचे संकेत दिले आहेत. ऑस्ट्रेलिया विरुद्धच्या मालिकेत सपाटून हार झाल्यानंतर न्यूझीलंड क्रिकेट संघाला आणि कर्णधार विल्यसनला टीकेचा सामना करावा लागला. सध्या क्रिकेटच्या तीनही प्रकारात न्यूझीलंड संघाचे नेतृत्व विल्यमसनकडे आहे.
'माझे कर्णधारपद सोडणे संघाच्या हितासाठी असेल तर मी केव्हाही पद सोडण्यास तयार आहे, असे विल्यमसन म्हणाला. हा वैयक्तिक हिताचा मुद्दा नाही. संघासाठी जे योग्य आहे, ते करण्यावर कायम माझा भर राहिला आहे. संघाचे वेळापत्रक खूप व्यस्त आहे. त्यामुळे झालेल्या चुकांमधून धडा घेऊन झटपट पुढच्या आव्हानांसाठी सज्ज राहणे गरजेचे आहे, असेही विल्यमसन म्हणाला.