मुंबई - आयपीएलच्या चौदाव्या हंगामात मुंबई इंडियन्स आणि रॉयल चॅलेंजर्स बंगळुरू हे संघ काही तासात एकमेकांसमोर उभे ठाकतील. या सामन्यापूर्वी रोहित शर्माचा एक व्हिडीओ चांगलाच व्हायरल झाला आहे.
रोहितच्या नेतृत्वाखाली खेळणाऱ्या मुंबई इंडियन्सने आतापर्यंत विक्रमी पाचवेळा जेतेपद पटकावलेले आहे. ते यावर्षीचे विजेतेपद पटकावून विजयाची हॅट्ट्रिक नोंदवण्यासाठी उत्सुक आहेत. मुंबई इंडियन्सचा संघ चेन्नईमध्ये असून मुंबईचे खेळाडू सराव सत्रात घाम गाळताना पाहायला मिळाले. यात रोहित शर्माने तुफान फटकेबाजी केली. तो आयपीएलमध्ये तळपण्यासाठी पुन्हा एकदा सज्ज झाला आहे.
दरम्यान, मुंबई इंडियन्सचा पहिला सामना विराट कोहलीच्या नेतृत्वाखाली आरसीबीच्या संघाबरोबर उद्या (शुक्रवार) चेन्नईमध्ये होणार आहे.