आबुधाबी - राजस्थान रॉयल्स आणि रॉयल चॅलेंजर्स बंगळुरू यांच्यात आज आबुधाबीच्या शेख झायेद स्टेडियममध्ये सामना रंगला आहे. या सामन्यात राजस्थान रॉयल्स संघाचा कर्णधार स्टिव्ह स्मिथने नाणेफेक जिंकून प्रथम फलंदाजी घेतली. पण त्याचा हा निर्णय अंगलट आल्याचे दिसून आले.
राजस्थानची सलामीवीर जोडी स्टिव्ह स्मिथ आणि जोस बटलर यांनी सावध सुरूवात केली. पण इसुरू उडानाच्या गोलंदाजीवर स्मिथ इनसाइट एजवर बाद झाला. यानंतर पुढच्याच षटकात राजस्थानला जोस बटलरच्या रुपाने मोठा धक्का बसला.
नवदीप सैनीने टाकलेला चेंडू जोस बटलरच्या बॅटची कड घेऊन स्लीपच्या दिशेने गेला. तो झेल स्लीपमध्ये उभ्या असलेल्या देवदत्त पडीक्कलने टिपला. पडीक्कलने चेंडू पकडल्याचा विश्वास बटलरला बसला नाही. तो काही क्षण पाहातच राहिला.
दरम्यान, बटलरने आक्रमक सुरूवात केली होती. त्याने १२ चेंडूत २२ धावा केल्या. यात ३ चौकार आणि १ षटकाराचा समावेश आहे. पण, तो मोठी खेळी करण्यात अपयशी ठरला.
राजस्थानचा संघ -