अबूधाबी - आयपीएलचा थरार १९ सप्टेंबरपासून रंगणार आहे. स्पर्धेसाठी सर्व संघ युएईमध्ये दाखल झाले असून खेळाडू सराव सत्रात भरपूर मेहनत घेत आहेत. अशात मुंबई इंडियन्सचा संघ समुद्र किनाऱ्यावर धमाल करताना पाहायला मिळाला. अनेक खेळाडू त्यांच्या पत्नी आणि मुलांसह दिसून आले.
युएईमध्ये सद्याच्या घडीला उष्ण वातावरण असून पारा ४० डिग्रीपर्यंत पोहोचत आहे. यामुळे खेळाडूंना दिवसा सराव करणे शक्य होत नाही. पण दुपारच्या काळात जर खेळाडूंना एकत्र आणायचे असेल तर काय करता येईल, याचा आढावाही काही संघांनी घेतला आहे. त्यानुसारच मुंबईचा संघ हा समुद्रकिनारी फिरायला गेल्याचे पाहायला मिळाले. यावेळी संघातील खेळाडूंनी फुटबॉलचाही आस्वाद लुटला.
मुंबई इंडियन्समधील काही खेळाडू आपल्या कुटुंबीयांना घेऊन युएईमध्ये दाखल झाले आहेत. यात रोहित तिची पत्नी रितिका सचदेव आणि मुलगी समायराचासोबत पोहोचला आहे. बीचवर अनेक खेळाडू पत्नी आणि मुलांसह मस्ती करताना दिसून आले.