दुबई - आयपीएल २०२० मध्ये शनिवारी झालेल्या ४३व्या सामन्यात किंग्ज इलेव्हन पंजाबच्या मनदीप सिंहने सलामीला येत भलेही छोटी खेळी साकारली. पण त्याचीच चर्चा सद्या सर्वत्र होत आहे. सकाळी मनदीपच्या वडिलांवर अंत्यसंस्कार करण्यात झाले आणि तो सायंकाळी मैदानात उतरला.
मनदीपचे वडील आजारी होते. त्यांचे शुक्रवारी रात्री निधन झाले. अशात पंजाबचा सलामीवीर मयांक अग्रवाल मागील सामन्यात दुखापतग्रस्त झाला होता. यामुळे मनदीपवर सलामीची जबाबदारी होती. ती जबाबदारी ओळखून मनदीपने वडिलांचे दु:ख मनात ठेऊन केएल राहुलसोबत सलामीला उतरला.
किंग्ज इलेव्हन पंजाबने आपल्या अधिकृत ट्विटर अकाऊंटवरुन या वृत्ताला दुजोरा दिला आहे. यामुळेच पंजाबचे खेळाडू काळ्या फीत घालून मैदानात उतरले होते.