दुबई - मुंबई इंडियन्सने आयपीएलच्या अंतिम सामन्यात दिल्ली कॅपिटल्सचा ५ गडी राखून पराभव करत विजेतेपद पटकावले. रोहित शर्माच्या नेतृत्वाखाली मुंबईने विक्रमी पाचवे विजेतेपद मिळवले. मुंबईच्या विजयानंतर राज्य सरकारने क्रिकेट संघाचे अभिनंदन केले आहे.
मुंबईच्या विजयानंतर राज्य सरकारचे अधिकृत ट्विटर अकाऊंट सीएमओने एक ट्विट केले आहे. यात त्यांनी मुंबई इंडियन्स संघाचे कौतुक करत अभिनंदन केले आहे.
अशी कामगिरी करणारा रोहित एकमेव कर्णधार -
रोहितने पाच वेळा आयपीएलचे विजेतेपद मिळवले आहे. अशी कामगिरी करणारा तो एकमेव कर्णधार आहे. आयपीएलला सुरूवात झाली तेव्हा मुंबईची कामगिरी फार चांगली नव्हती. पण २०१३च्या विजेतेपदानंतर मात्र या संघाने मागे पाहिले नाही.