ख्रिस लिन म्हणतो, बरं झालं बाबा बुमराह विरुद्ध खेळावं लागणार नाही

इंडियन प्रीमियर लीग (आईपीएल) २०२० मधील हंगामासाठी खेळाडूंचा लिलाव सुरू आहे. कोलकातामध्ये सुरू असलेल्या या लिलावासाठी ९७१ खेळाडूंनी नोंदणी केली होती. यातील ३३२ खेळाडूंना बीसीसीआयने निवडले होते. मात्र, गुरुवारी या यादीत आणखी सहा खेळाडूंची नावे समाविष्ट करण्यात आली आहेत. यामुळे ३३२ ऐवजी ३३८ खेळाडूंवर बोली लागणार आहे

कोलकाता- इंडियन प्रीमियर लीग (आईपीएल) २०२० मधील हंगामासाठी खेळाडूंचा लिलाव कोलकातामध्ये पार पडला. या लिलावात ऑस्ट्रेलियाचा ऑस्ट्रेलियाचा धडाकेबाज फलंदाज ख्रिस लिनवर मोठी बोली लागली. गतविजेत्या मुंबई इंडियन्सने त्याला २ कोटींच्या बोलीवर आपल्या संघात सामील करुन घेतले.

ख्रिस लिन

गेल्या हंगाम कोलकाता नाईट रायडर्स संघाकडून खेळणारा लिन आता आगामी २०२० च्या १३ व्या हंगामात मुंबईकडून खेळताना दिसेल. या बोलीनंतर लिनने ट्विटर करत नवीन हंगामासाठी आपण सज्ज असल्याचं म्हटलं आहे.

लिनने आपल्या ट्विटमध्ये भारताचा वेगवान गोलंदाज जसप्रीत बुमराह विरुद्ध खेळावे लागणार नाही, असे गमतीनं म्हटलं आहे. जसप्रीत बुमराह आणि लीन आता मुंबई इंडियन्सचे शिलेदार बनले आहेत. १३ हंगामात बुमराह गोलंदाजीत तर लीन फलंदाजीत धम्माल करताना दिसून येईल.

हेही वाचा -IPL Auction २०२० LIVE : 'ईटीव्ही भारत'चे खास कव्हरेज, हेटमायरसाठी दिल्लीने मोजले 'इतके' कोटी

हेही वाचा -Exclusive | IPL auction : लिलावाआधी 'ईटीव्ही भारत'ची फिरकीपटू माँटी पानेसरशी खास बातचित