लाहोर -पाकिस्तान क्रिकेट संघाचा माजी कर्णधार इंझमाम-उल-हकने पाकिस्तान क्रिकेट बोर्ड (पीसीबी) आणि त्यांच्या वैद्यकीय कर्मचार्‍यांच्या निकृष्ट वृत्तीवर टीका केली आहे. पुढील महिन्याच्या अखेरीस पाकिस्तानचा क्रिकेट संघ इंग्लंडला भेट देणार आहे. मात्र, या दौर्‍यासाठी निवडलेल्या 29 सदस्यांपैकी नऊ खेळाडू कोरोना पॉझिटिव्ह असल्याचे आढळले आहे. यात संघातील एका सहाय्यक कर्मचार्‍याचादेखील समावेश आहे.
इंझमाम आपल्या यूट्यूब चॅनलवर म्हणाला, "कोरोनाग्रस्त खेळाडूंना असे वाटले असेल की पीसीबी या कठीण काळात त्यांना मदत करत नाही. माझ्या सूत्रांनी मला सांगितले आहे की पीसीबीचे वैद्यकीय कर्मचारी या खेळाडूंचे फोन उचलत नाहीत. ही वाईट वागणूक आहे."