बंगळुरू - आयपीएल फ्रेंचायझी किंग्ज इलेव्हन पंजाबचा फलंदाज मयांक अग्रवाल यंदाच्या आयपीएलची आतुरतेने वाट पाहत आहे. आयपीएलचा तेरावा हंगाम युएईंमध्ये १९ सप्टेंबरपासून होत आहे. मयांकने ट्विटरवर किंग्ज इलेव्हन पंजाबच्या जर्सीमध्ये एक फोटो पोस्ट केला होता, ज्यात त्याने "आता मैदानात उतरण्याची प्रतीक्षा करू शकत नाही", असे लिहिले आहे.
मयांकने आंतरराष्ट्रीय कारकिर्दीच्या सुरुवातीच्या काळात आशा निर्माण केल्या. येणाऱ्या काळात तो चांगली कामगिरी करेल, असे भारताचा वेगवान गोलंदाज आशिष नेहरा म्हणाला होता. मयांकने आतापर्यंत एकूण ११ कसोटी सामने खेळले आहेत आणि त्यात त्याने ९७४ धावा केल्या आहेत. या सामन्यात त्याने तीन शतके आणि चार अर्धशतके झळकावली आहेत.