मेलबर्न -पहिल्या कसोटी सामन्यातील पराभव विसरून भारतीय संघाने बॉक्सिंग डे कसोटी सामन्याची तयारी सुरू केली आहे. बीसीसीआयने खेळाडूंच्या सरावाचे फोटो शेअर केले आहे. यात कर्णधार अजिंक्य रहाणेसह संपूर्ण संघातील खेळाडू सराव करताना पाहायला मिळत आहे. सुखद बाब म्हणजे, दुखापतग्रस्त रविंद्र जडेजा देखील सराव करताना दिसून आला.
डोक्याला मार लागल्याने रविंद्र जडेजा पहिला कसोटी सामना खेळू शकला नव्हता. पण तो आता सराव सत्रात गोलंदाजी करताना पाहायला मिळाला. त्याने चेतेश्वर पुजारा गोलंदाजी केली. दुसरीकडे शुबमन गिल देखील सराव सत्रात फलंदाजीचा करताना दिसला.
बीसीसीआयने फोटो शेअर करताना म्हटलं आहे की, आम्ही मेलबर्नमध्ये आहोत आणि लाल चेंडूवर सराव करत आहोत.
टीम इंडिया कसोटी मालिकेत पिछाडीवर
भारत आणि ऑस्ट्रेलिया यांच्यात चार सामन्याची कसोटी मालिका खेळवली जात आहे. यातील पहिला सामना (दिवस रात्र) अ‌ॅडलेडच्या मैदानात खेळला गेला. या सामन्यात भारतीय संघाला पराभवाचे तोंड पाहावे लागले. हा सामना ऑस्ट्रेलियाने ८ गडी राखून जिंकला आणि मालिकेत १-० अशी आघाडी घेतली.