मँचेस्टर - इंग्लंड विरूद्ध पाकिस्तान यांच्यातील दुसरा टी-२० सामना इंग्लंडने ५ गडी राखून जिंकला. पाकने प्रथम फलंदाजी करताना २० षटकात ४ बाद १९५ धावा केल्या होत्या. हे आव्हान इंग्लंडने ५ गडी आणि ५ चेंडू शिल्लक राखत सहज पूर्ण केले.
इंग्लंडने नाणेफेक जिंकून प्रथम गोलंदाजी स्वीकारली. तेव्हा प्रथम फलंदाजी करताना पाकिस्तानची सुरूवात चांगली झाली. सलामीवीर जोडीने अर्धशतकी सलामी दिली. नवव्याच षटकात बाबर आझम आणि फखर जमान यांनी धावफलकावर ७२ धावा झळकवल्या होत्या. यामध्ये बाबरने ४४ चेंडूंमध्ये ५६ धावा मिळवल्या, तर जमानने ३३ चेंडूंमध्ये ३६ धावा केल्या होत्या. त्यानंतर मोहम्मद हाफीजने ३८ चेंडूंमध्ये ६९ झावा चोपत पाकिस्तानला बळकट स्थितीमध्ये आणले. पाकिस्तानने इंग्लंडसमोर १९६ धावांचे आव्हान ठेवले.