जयपूर - विजय हजारे करंडक स्पर्धेत दिल्लीविरुद्धच्या सामन्यात महाराष्ट्राच्या संघाला पराभवास सामोरे जावे लागले. शिखर धवनच्या शतकीच्या खेळीच्या जोरावर दिल्लीने हा सामना ३ गडी राखून जिंकला. शिखरने ११८ चेंडूत १५३ धावांची वादळी खेळी केली.
महाराष्ट्राच्या संघाने प्रथम फलंदाजी करत ५० षटकात ७ बाद ३२८ धावा केल्या. यात केदार जाधव (८६) तर अजिम काझीने ९१ धावांची खेळी केली. याशिवाय यश नायरने ४५ तर कर्णधार ऋतुराज गायकवाडने १३ धावांची खेळी केली. दिल्लीकडून ललित यादवने तीन, प्रदिप सांगवान याने २ गडी बाद केले. तर कुलवंत आणि सिमरनजीतने प्रत्येकी एक-एक गडी बाद केला.