पोटशेफस्ट्रूम- आयसीसी १९ वर्षाखालील विश्व करंडक स्पर्धेचा अंतिम सामना उद्या (रविवार) भारत आणि बांगलादेश या दोन आशियाई संघात खेळला जाणार आहे. या सामन्याआधी भारताच्या सिनियर खेळाडूंनी ज्युनिअर संघाला शुभेच्छा दिल्या आहेत. या शुभेच्छांचा व्हिडिओ बीसीसीआयने आपल्या अधिकृत ट्विटर अकाऊंटवरुन शेअर केला आहे.
बीसीसीआयने शेअर केलेल्या व्हिडिओमध्ये चेतेश्वर पुजारा, विजय शंकर, वृध्दीमान साहा आणि अजिंक्य रहाणे ज्युनिअर संघाला शुभेच्छा देताना दिसून येत आहेत.
चेतेश्वर पुजारा म्हणतो की, 'मी तुम्हाला इतकेच सांगेन की, आतापर्यंत तुम्ही जसे खेळत आलात तसेच खेळा. अंतिम सामन्यात अतिरिक्त दबाव न घेता नैसर्गिक खेळावर भर द्या. मला विश्वास आहे की विश्व करंडक तुम्ही घरी घेऊन याल.'
भारताचा अष्टपैलू विजय शंकर म्हणतो की, 'अंतिम सामना ही एक मोठी संधी आहे त्याचा फायदा घ्या. तुम्हाला खुप शुभेच्छा !'