मुंबई - यंदा महिलांच्या आयपीएलबाबत योजना असल्याचे बीसीसीआय अध्यक्ष सौरभ गांगुलीने म्हटले आहे. महिलांच्या आयपीएलला 'चॅलेंजर सीरीज' म्हणून ओळखले जाते. बीसीसीआयची महिला क्रिकेट संघासाठी काही योजना नाही, असा अंदाज यापूर्वी वर्तवला जात होता.
रविवारी आयपीएल गव्हर्निंग काऊन्सिलच्या बैठकीपूर्वी गांगुली म्हणाला, ''महिलांच्या आयपीएलची संपूर्ण योजना आहे आणि राष्ट्रीय संघासाठीही आमची योजना आहे.'' गांगुलीने महिला आयपीएलविषयी सविस्तर माहिती दिली नाही. परंतु या विषयाची माहिती असलेल्या एका वरिष्ठ अधिकाऱ्याने सांगितले, की महिला चॅलेंजर गेल्या वर्षीप्रमाणे आयपीएलच्या अंतिम टप्प्यात घेण्यात येईल. ही स्पर्धा 1 ते 10 नोव्हेंबर या कालावधीत आयोजित करण्याचे नियोजित असून यापूर्वीच या शिबिराचे आयोजन करता येईल.