बडोदा - १० जानेवारीपासून सुरू होणार्‍या सय्यद मुश्ताक अली ट्रॉफी टी-२० स्पर्धेसाठी अष्टपैलू खेळाडू कृणाल पांड्या बडोदा संघाचे नेतृत्व करणार आहे. कृणालव्यतिरिक्त दीपक हुड्डाचा बडोदाच्या २२ सदस्यीय संघात समावेश करण्यात आला आहे.
बडोदा क्रिकेट असोसिएशनने आपल्या संकेतस्थळावर संघाची घोषणा केली. अनुभवी सलामीवीर केदार देवधर आणि उजवा फलंदाज विष्णू सोलंकी हेदेखील या संघात आहेत. डेव्ह व्हॉटमोर संघाच्या प्रशिक्षकपदी जोडले न गेल्यामुळे असोसिएशनने प्रभाकर बेअरगोंड यांना मुख्य प्रशिक्षक म्हणून नेमले आहे.
बडोदाला गुजरात, महाराष्ट्र, छत्तीसगड, हिमाचल प्रदेश आणि उत्तराखंडसह एलिट ग्रुप सीमध्ये स्थान देण्यात आले आहे.