मुंबई- भारत-ऑस्ट्रेलिया यांच्यात आजपासून २ सामन्यांची टी-ट्वेन्टी मालिका सुरू होणार आहे. विशाखापट्टणम येथे पहिला सामना होणार आहे. याआधी ऑस्ट्रेलियाचा कर्णधार अॅरोन फिंच म्हणाला, स्टीव्ह स्मिथ आणि डेव्हिड वॉर्नरच्या अनुपस्थितीत चांगले प्रदर्शन करुन खेळाडूंना संघातील स्थान निश्चित करण्याची चांगली संधी असणार आहे.
अॅरोन फिंच म्हणाला, की आम्हांला सध्या संघाचे संतुलन साधायचे आहे. सगळे हाताबाहेर गेले आहे, असे मला अद्यापही वाटत नाही. एकदिवसीय क्रिकेटमध्ये प्रयोग करण्यात आणखी संधी आहे. मी याआधी मध्यक्रमात फलंदाजीसाठी येत होतो. त्यामुळे इतर खेळाडूंसाठी संघातील स्थान पक्के करण्यासाठी ही मोठी संधी असणार आहे.