रावळपिंडी - क्रिकेट पंच अलीम दार यांनी एकदिवसीय क्रिकेटमध्ये मोठास पराक्रम केला आहे. रूडी कर्ट्झन यांना मागे टाकत दार हे एकदिवसीय क्रिकेटमध्ये सर्वाधिक सामने पंचगिरी केलेले व्यक्ती ठरले आहेत. आज पाकिस्तान आणि झिम्बाब्वे यांच्यात रावळपिंडी क्रिकेट स्टेडियमवर खेळल्या जाणार्‍या सामन्यात त्यांनी ही कामगिरी रचली. पंच म्हणून दार यांचा हा २१०वा एकदिवसीय सामना आहे. २०९एकदिवसीय सामन्यांमध्ये पंच असण्याचा विक्रम कर्ट्झन यांच्या नावावर आहे.
त्यांच्यापाठोपाठ बिली बाऊडेन (२००), स्टीव्ह बकनर (१८१), सायमन टॉफेल आणि डार्ले हार्पर (१७४) आहेत. पाकिस्तानचे अष्टपैलू क्रिकेटपटू म्हणून एक दशकासाठी प्रथम श्रेणी क्रिकेट खेळणार्‍या दार यांनी पाकिस्तानच्या सामन्यात पंचगिरीला सुरुवात केली.