नवी दिल्ली - भारतीय संघाचा 'स्टायलिस्ट' कर्णधार विराट कोहलीने अनेक विक्रम आपल्या नावे केले आहेत. त्यामुळे त्याची क्रिकेट विश्वात रनमशीन अशी ओळख बनली आहे. तो सध्या आयसीसीच्या रॅकिंगमध्ये ८९५ गुणांसह प्रथम क्रमांकावर आहे. अशा हरहुन्नरी खेळाडूला आज आंतरराष्ट्रीय क्रिकेटमध्ये पदार्पण करुन ११ वर्ष पूर्ण झाली आहेत. या निमित्ताने त्याने ट्विट करत आपल्या भावना व्यक्त केल्या आहेत.
विराट कोहलीसाठी १८ ऑगस्ट हा दिवस महत्वाचा दिवस आहे. ११ वर्षांपूर्वी १८ ऑगस्ट २००८ ला श्रीलंका विरुध्द झालेल्या कसोटी सामन्यात त्याने पदार्पण केले होते. या सामन्यात विराटने माजी सलामीवीर गौतम गंभीर सोबत फलंदाजी केली होती. मात्र, विराट या सामन्यात केवळ १२ धावा करू शकला होता.